Bydd Cymru yn anfon timau i’r Regata Ryngwladol Gartref yn 2022 ar gyfer sbrintiau afon a thraeth, wrth i ddigwyddiadau 2020 a 2021 gael eu canslo oherwydd yr achosion o Covid-19.

Regata Rwyfo Ryngwladol Gartref (HIR-R) 

Mae'r Regata Ryngwladol Gartref yn ddigwyddiad y mae Cymru, Iwerddon, yr Alban a Lloegr yn cystadlu ynddo, gyda thimau hŷn ac iau. Mae gan y digwyddiad hanes maith a datblygodd o Gemau'r Ymerodraeth.

Mae Rhwyfo Cymru yn gyfrifol am ddewis a chyflwyno tîm ar gyfer y digwyddiad bob mis Gorffennaf.

Bydd y Regata Ryngwladol Gartref nesaf yn cael ei chynnal gan Loegr yn  Docklands ar y 23ain Gorffennaf 2022.

I gynrychioli Cymru yn y Regata Ryngwladol Gartref mae'n rhaid i chi fodloni un o'r gofynion isod a gallu darparu tystiolaeth i gefnogi eich cymhwysedd: 

- Wedi cael eich geni yng Nghymru.

- Bod â rhiant neu nain neu daid wedi'i eni yng Nghymru.

- Wedi byw am ddim llai na chwe mis yn olynol yng Nghymru ac wedi bod yn aelod o glwb rhwyfo yno yn ystod y cyfnod hwnnw.

- Os yw rhwyfwr yn byw yng Ngwlad Gartref A ac yn rhwyfo yng Ngwlad Gartref B ers mwy na chwe mis gall yr athletwr hwnnw ddewis unwaith i rwyfo dros y naill wlad neu'r llall.

- Os yw rhwyfwr wedi cystadlu dros Gymru o'r blaen.

- Wedi derbyn addysg yn y wlad am 5 mlynedd ar lefel gynradd a/neu uwchradd

Ar gyfer plant iau, byddem yn argymell mynychu ein dyddiau datblygu. Y nod yw nid yn unig codi safon rhwyfo iau Cymru, ond hefyd cael athletwyr Cymru i ddod i adnabod ei gilydd cyn HIR. Cysylltwch ag Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld. am fwy o wybodaeth neu gydag unrhyw gwestiynau. I gofrestru eich diddordeb mewn cynrychioli Cymru yn HIR cliciwch yma  am y polisi dethol Iau sy'n cynnwys dolen i gofrestru. Bydd y Polisi Hŷn yn cael ei ryddhau ym mis Chwefror 2022.

Sbrint Traeth Rhwyfo Rhyngwladol Cartref (HIR-BS) 

Mae'r digwyddiad hwn i'w gynnal yn St Andrews, yr Alban ar 20 Awst 2022. Mae Polisi Dethol Tîm Cymru bellach wedi'i ryddhau. 

  

Regata’r Gymanwlad 

Mae disgwyl i Regata'r Gymanwlad gael ei chynnal yn 2022 fel digwyddiad sbrint traeth. Unwaith y bydd Ffederasiwn Rhwyfo'r Gymanwlad wedi cadarnhau manylion y digwyddiad, byddwn yn eu nodi yma.